Forca e Sigurisë së Kosovës ka parakaluar në kazermën ‘Adem Jashari’ në Rishtinë duke nisur kështu edhe shënimins Epopesë së UCK-së, për nder të së cilës mbahen aktivitete më 5, 6 dhe 7 mars.
Me këtë rast, presidentja e Kosovës Vjosa Osmani tha se Kosova është e pavarur dhe ashtu do të jetë gjithmonë
“Sot jemi mbledhur për të përkujtuar 25 vjetorin e një ngjarjeje që ndryshoi rrjedhën e historisë, një ngjarje që i tregoi botës se çfarë mund të arrijë një popull që e do dhe e meriton lirinë, sidomos kur në krye të tij ka patriotë të devotshëm e trima sikurse komandanti legjendar, Adem Jashari me familjen e tij, por edhe vajza e djem të Ushtrisë Çlirimtare të Kosovës”, u shpreh ajo.
Ndërkohë kryeministri Albin Kurti theksoi se Serbia fashiste e Millosheviçit, kishte menduar atë kohë gabimisht që duke vrarë Ademin dhe Hamzën, mund ta shuante UÇK-në dhe luftën e saj të drejtë për çlirimin e Kosovës.
about:blank
“Më 5, 6 dhe 7 mars të vitit 1998, anëtarët e familjes Jashari rezistuan në vendlindjen e tyre, aty ku ndër breza kishin mësuar ta donin atdheun dhe ku ishin edukuar të luftonin për lirinë e tij edhe me jetë. Në familjen e Shaban Jasharit në Prekaz, u luftua për tre ditë rresht, nën një rrethim të blinduar nga disa mijëra trupa policore të Serbisë, që me makineri ushtarake në përmasa frontale, qëlluan me predha dhe bombarduan në ritme shumë intensive mbi shtëpitë e Shabanit, duke vrarë gjithsej 59 njerëz”, tha Kurti.
Vëllai i heroit Adem Jashari, Rifat Jashari, ka folur sot në nder të 25-vjetorit të Epopesë së Ushtrisë Çlirimtare të Kosovës.
“Sot, Ushtria Çlirimtare e Kosovës na ka bashkuar për 25-vjetorin e Epopesë së Lavdishme. Është kënaqësi dhe krenari me qenë para kësaj ushtrie që e kemi prit dem baba dem. Ju uroj 25 vjetorin, shëndet e punë të mbarë. Lutem t’i arrijmë qëllimet tona shekullore për hir të luftës, gjakut të bijve tanë e gjejmë një gjuhë të përbashkët dhe t’i arrijmë qëllimet deri në maksimum si të gjitha shtetet që ekzistojnë në botë”, tha Jashari.