Muaji i Ramazanit, i cili filloi sot, më 24 prill, është muaji më i shenjtë i kalendarit islamik. Ata që agjërojnë privohen nga ngrënia, pirja, pirja e duhanit dhe marrëdhëniet seksuale, nga agimi deri në perëndim të diellit. Agjërimi ka nisur më shumë se 1400 vjet më parë, dhe përfitimet në shëndet janë të mëdha.
Kufizimi i marrjes së ushqimit gjatë ditës, parandalon problemet shëndetësore si kolesteroli i lartë, sëmundjet e zemrës dhe obeziteti. Gjithashtu agjërimi ndihmon në përmirësimin e shëndetit dhe mirëqenies mendore.
Duke mos konsumuar asnjë ushqim, trupi ynë është në gjendje të përqendrohet në heqjen e toksinave, pasi i japim sistemit të tretjes një pushim.