Nis puna për rehabilitimin e rrugës Burgajet-Derjan-Macukull. Lajmin e mirë e jep kryetari i Bashkisë Mat, i cili ka publikuar dhe foto nga nisja e punimeve.
Kryebashkiaku Malaj nënvizon se me rehabilitimin e këtij aksi, jo vetëm do të lehtësohet jetesa e banorëve, por i jepet një zhvillim të ri turizmit të zonës.
“Jam shumë i lumtur që e nisim këtë investim për banorët e kësaj zone të cilët kanë vuajtur dhe janë kushtëzuar në aktivitetin e tyre të përditshëm.
Me rehabilitimin e këtij aksi, jo vetëm lehtësojmë jeten e banorëve por i japim një hov të rëndësishëm edhe turizmit në këtë zonë me pamje mahnitëse në çdo stinë.
Falë kontributit të qeverisë shqiptare dhe Fondit Shqiptar të Zhvillimit tashmë kjo rrugë do të jetë realitet.
Ne i çojmë përpara punët, ndryshe nga “non gratat” që e premtuan për vite me radhë dhe kurrë se bënë realitet”, shkrun kryebashkiaku Malaj.