Ka nisur puna për realizimin e projektit të rehabilitimit të sheshit pranë varrezave të dëshmorëve në Mat, asfaltimin e rrugës hyrëse dhe ndërhyrje të tjera të parashikuara. Punimet u inspektuan sot dhe nga kryetari i bashkisë Mat, Agron Malaj.
Kryebashkiaku Malaj tha se me këtë investim vendvarreza e dëshmorëve të Matit do të jetë më e denjë për të nderuar kontributin e atyre që dhanë jetën për çlirimin e vendit.
“Nis puna për rikonstruksionin e rrugës dhe Sheshit te Varrezat e Dëshmorëve Burrel. Bashkia #Mat synon që këtë investim ta mbyllë brenda katër muajve të parë të këtij viti”, nënvizon Malaj.