Duke nisur nga e mërkura, më 3 prill do të nisin punimet për ndërtimin e rrethrrotullimit të Kamzës, të cilat do të zgjasin tre muaj.
Sipas ARRSH-së, bëhet fjalë për projektin “Mirëmbajtja dhe Siguria Rrugore Bazuar në Rezultate”, financim i Qeverisë së Shqipërisë dhe Bankës Botërore, do të fillojnë punimet për ndërtimin e Rrethrrotullimit të Kamzës, në Segmentin rrugor: “Kryqëzimi Universiteti Bujqësor- Kryqëzimi Kamëz qendër, km 1+100”.
ARRSH njofton se gjatë kryerjes së punimeve qarkullimi i mjeteve do të jetë me shpejtësi të reduktuar dhe do të realizohet në përputhje me sinjalistikën e vendosur sipas Planit të Menaxhimit të Trafikut të miratuar, për të lehtësuar qarkullimin e mjeteve dhe për të garantuar mbarëvajtjen e punës në terren.
Punonjësit e ARRSH-së, Policisë së Qarkullimit Rrugor dhe kompanisë së mirëmbajtjes do të jenë në terren për mbarëvajtjen e ndërhyrjes dhe orientimin e trafikut.