Prej datës 3 Janar ka nisur shpërndarja e bonusit prej 8 mijë Lekësh për pensionistët.
Në disa zyra të postës qytetarët presin në radhë për shkak të fluksit. Por sipas Institutit të Sigurimeve pensionistët për të shmangur radhët të paraqiten në zyrat e psortës sipas grafikut që kanë për të marrë pensionin mujor.
Por në zyrën e postës në zonën e Alliasit në Tiranë ka fluks më të madh se në pikat e tjera për shkak se është deleguar edhe shërbimi i postës nr.4 që është pranë Shkollës së Bashkuar.
Të moshuarit thonë se përballë këtyre çmimeve të kripura shpërblimin prej 8 mijë lekësh është një ndihmë e vogël, sidomos duke patur parasysh që pensionet e tyre janë minimale.
Për ta përfitimi i këtij bonusi shtesë ishte një surprizë , pasi në Dhjetor sa morën shpërblimin e fundvitit prej 5 mijë lekësh.
Gazetarja: Sa shkon pensioni juaj mujor.
Qytetari: Çfarë shkon aman, 180 mijë dhe 80 i shtojnë ata 260 mijë Lekë.
Gazetarja: Pagesa prej 8 mijë Lekësh është një ndihmë për ju?
Qytetari: Po është posi, është mirë.
Të moshuarit që për arsye të ndryshme shëndetësore apo ata që janë jashtë shtetit kanë afat brenda 36 muajve që të tërheqin bonusin prej 8 mijë Lekësh.