Ka nisur paraditen e sotme shpërndarja e materialeve zgjedhore në 49 qendrat e votimit të Bashkisë Mat.
Fillimisht procesi ka nisur për zonat më të largëta nga KZAZ si Njësia Administrative Macukull, Derjan, Rukaj e Ulëz dhe më pas do bëhet shpërndarja e materialeve për zonat e tjera më të afërta si Komsia, Lisi e Burreli.
Bëhet me dije se materialet zgjedhore po merren ne dorëzim nga komisionerët e qendrave të votimit, ndërsa procesi po vijon normalisht pa asnjë problematikë deri tani.
Pasi të bëhet shpërndarja e materialeve zgjedhore në të gjitha qendrat e votimit, Policia do të marrë në ruajtje QV deri në fillimin e procesit të votimit. Më pas, efektivët do të jenë të angazhuar në terren për të garantuar siguri të plotë në procesin e votimit, i cili nis nesër në orën 7:00.