Ish-kreu i PD, Sali Berisha, në një mesazh drejtuar delegatëve një ditë para Kuvendit, thotë se “do të udhëheqë revolucionin paqësor, rikthimin e votës së lirë për anëtarët simpatizantët e PD brenda kësaj partie, rikthimin e votës së lirë për shoqërinë shqiptare në tërësi”.
“Të dashur delegatë, moti është një faktor që nuk varet nga ne. Megjithë zjarrin dhe entuziasmin që keni nga brenda, të vini të përgatitur, me veshjet më të trasha të mundshme për të mos ndjerë të ftohnin. Shiu nuk bie në zonën ku jemi ne, por klima është kjo që ju e shihni vetë.
Ftoj të gjithë delegatët e Partisë Demokratike, drejtues kryesorë të saj, përfshirë edhe kryetarin në letër të saj, Lulzim Basha, të gjithë drejtuesit dhe deputetët e PD, të gjithë ata që mendojnë ndryshe nga ne, të vijnë nesër në Kuvend”, tha Berisha.