Një grup influencerësh në rrjete sociale janë akuzuar për komplot në manipulimin e çmimeve të aksioneve në një skemë përmes të cilës përfituan 114 milionë dollarë.
Bëhet fjalë për tetë individë, të moshave 23 deri në 38 vjeç, të cilët postonin foto të mënyrës së tyre ekstravagante të jetesës. Ato akuzohen për konspiracion me mashtrim dhe rrezikojnë dënime deri në 25 vite burg.
Ata kishin promovuar në mënyrë agresive letra tregtimi me vlerë tek ndjekësit e tyre, ndërsa qëllimi ishte që t’i shisnin sapo çmimi të rritej.
Shtatë prej tyre akuzohen edhe për krime të tjera financiare nga Departamenti Amerikan i Drejtësisë dhe Komisioni i Bursave dhe Letrave me Vlerë.
Influencerët thanë se përdornin platformat për të inkurajuar ndjekësit në median sociale të ndanin shpërblimet e tyre financiare. Ata postonin informacione të rreme për çdo aksion në mënyrë që të kontribuonin në rritjen e vlerës.
Më pas në heshtje të plotë shisnin aksionet e tyre me çmimin tashmë të rritur dhe këtë gjë e mbanin të fshehtë nga ndjekësit.