Sekretari amerikan i shtetit, Antoni Blinken në vizitën e tij të 4 në rajonin e lindjes së mesme, kërkon të përcjellë një mesazh mbi të gjithë të tjerët; lufta mes Izraelit dhe Gazës, nuk duhet të përhapet në një konflikt rajonal.
Mes sinjaleve se tensionet në rajon janë duke mbërritur në pikën e vlimit, Blinken pati një agjendë të ngjeshur, që përfshiu ndalesa në Turqi, Jordani, Katar, Emiratet e Bashkuara Arabe, Arabi Saudite dhe në fund Izrael. Mbreti i Jordanisë Abdullah paralajmëroi të dielën për pasoja katastrofike, të konfliktit të vazhdueshëm në Rripin e Gazës.
Kryeministri i Katarit theksoi se vrasja e një zyrtari të lartë të grupit ekstremist të Hamasit i ka ndërlikuar bisedimet për lirimin e pengjeve të mbetura.