Presidenti francez Emmanuel Macron ka bërë të ditur se do të ketë shkurt taksash për të ardhurat e klasës së mesme, por tha se “njerëzit duhet të punojnë më shumë”.
Shkurtimet prej 5 miliardë eurosh do financohen duke eleminuar ndërprerjen e taksave të korporatave, orë më të gjata pune dhe reduktim të shpenzimeve publike.
Macron tha se qytetarët francezë duhet të punojnë më gjatë për sistemin e pensioneve, para se të dalin në pension. Ai premtoi gjithashtu arsimim më të mirë për të rriturit që të përmirësojnë aftësitë në punë. Lajmërimi i Macron është në përgjigje të protestave gjashtë mujore të jelekverdhëve mbi pabarazinë shoqërore.