Policia e Elbasanit ka vënë në pranga dy persona për akuzën e dhunës në familje. Një 27-vjeçar është arrestuar pasi ka dhunuar nënën e tij.
Ndërsa një 63-vjeçar ka plagosur me thikë bashkëjetuesen. Kjo e fundit pasi ka marrë mjekimin në spital është larguar për në shtëpi.
NJOFTIMI I PLOTE
Elbasan
Specialistët për Hetimin e Krimit në Komisariatin e Policisë Elbasan arrestuan në flagrancë për veprën penale “Dhuna në familje”, shtetasit:
• H. H., 27 vjeç, banues në Elbasan, pasi ka ushtruar dhunë fizike dhe psikologjike ndaj nënës së tij;
• B. K., 63 vjeç, banues në Elbasan, pasi ka plagosur me mjet të mprehtë (thikë) bashkëjetuesen, e cila pasi ka marrë mjekim në spital është larguar në banesë, jashtë rrezikut për jetën.
Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.