Ish-deputeti i PD, Gent Strazimiri, duket se është habitur nga sondazhi i publikuar nga Report TV, sipas të cilit, nëse sot bëhen zgjedhjet, PS fiton e vetme me 51% të votave.
“Baba Karlo nuk mund të heqë dorë nga Pinoku!!!
Janë pazgjidhshmërisht të lidhur që në gjenezë prej delenxhillikut, madje deri në legjendë, pavarësisht se njëri është terrone Italie e tjetri gore Shqipërie!!!
Të dy kanë gjetur këtu vendin e çudirave, HAMERRIK-ën e ëndrrave mbushur me karuzele, balena të pangijshme, kunadhe të palara e me… kërriça!!!
Vetëm se nuk është më përrallë!
Është realiteti aspak artistik i një shfaqeje makabre, ku biletën e paguani me bukën e fëmijëve, dyqanin që i keni kushtuar jetën apo shtëpinë për këstin e kredisë së të cilës nuk mund të pushoni as kur sëmureni…
Ndërkohë Baba Karlo vazhdon t’ju argumentojë që ju vetë jeni të bindur që Pinoku i tij nuk është gënjeshtar, as zemërdru e as kokëbosh…
KAQ”, shkruan ai.