Vrasja e veprimtarit dhe themeluesit të grupit Lëvizja Kombëtare për Çlirimin e Kosovës Jusuf Gërvalla mbetet akoma një prej temave më të diskutuara si brenda ashtu dhe jashtë vendit.
E ndërsa autoritetet e regjimit të “Kasapit të Ballkanit”, Sllobodan Millosheviç, heshtnin karshi kësaj vrasje, së fundmi një ish-agjent i UDB, përkatësisht Bozha Spasiç ka qenë i ftuar në një debat televiziv në Serbi, ku ka folur haptazi për këtë çështje.
Njeriu i afërt me presidentin aktual të Serbisë, Aleksandar Vuçiç, madje tregoi në detaje se si është realizuar operacioni për vrasjen e babait të ministres aktuale të Kosovës, Donika Gërvalla Schwarz.
Sipas Bozhës, Jusufi me shokët që ishin në ekzil – pra të përndjekur nga sistemi i atëhershëm i Millosheviçit, mbaheshin përgjegjës për shumë operacione brenda Kosovës, dhe pasi ata kishin shkuar në Evropë që sipas të besuarit të Vuçiçit i ishin shmangur drejtësisë, atëherë UDB-ja serbe kishte vendosur të reagojë duke i likuiduar.
E pas publikimit të një pjese të kësaj interviste, ka pasur reagime të ashpra, e ndër ta është edhe ish-ministrja e Punëve të Jashtme, Meliza Haradinaj – Stublla e cila ka shkruar në Twitter se kjo intervistë do të duhej të shërbente si provë në Tribunalin e Hagës për Krime Lufte.
Vučićev udbaš Boža Spasić objašnjava na Pinku zašto je Udba ubila ocu ministrice vanjskih poslova Kosova, Donike Gërvalle-Schwarz. @enver_robelli @Petrit pic.twitter.com/klzslPJoIp
— Željko Peratović (@45lines) February 6, 2022