Dikur kundërshtarë, sot miq, Noizy dhe Stresi do të vijnë me një bashkëpunim.
Ka qenë vetë reperi, Noizy (Rigels Rajku), ai i cili ka bërë publik lajmin. Në një bisedë virtuale me ndjekësit e tij në Instagram, Noizy para disa javësh tha me shaka lidhur me mungesën e Stresit në album se “Stresi ka qenë në burg”, duke iu referuar eksperiencës disamujore të kolegut të tij brenda “Big Brother Vip Kosova”.
Por, ditën e djeshme, ai ka zbuluar në mediat sociale se këngën e kanë gati. Dy artistët kanë publikuar një video të shkurtër nga studio duke treguar pak nga kënga e cila do quhet me gjasa “Kur vijmë na”.