Pas 30 vitesh, në treg tashmë kthehet televizori Nokia. Lajmi bëhet i ditur nga një portal i shoqërisë indiane të e-commerce Flipkart, i cili flet për një licencë që do të sjellë firmën finlandeze me një smart tv.
Produkti është një televizor prej 55 polsh, me rezolucion Ultra HD dhe sistem operativ Android.
Shitjet do të nisin më 10 dhjetor vetëm në Indi, ku do të kushtojë rreth 500 euro. Flipkart, e cila në platformën e saj e-commerce ka mbi 200 milionë klientë të regjistruar, ka thënë se ka në plan të ketë të tjerë televizorë Nokia në të ardhmen.
Ky tv vjen 30 vite pas televizorit të kompanisë skandinave me tubin katodik. Nga 2017 firma e njohur ka sjellë dhe telefonat e saj nga kompania Hmd Global, e cila ka marrë për dhjetë vite të drejtat e përdorimit të kësaj marke për smartphone.