Ditën e djeshme Nora Istrefi zbuloi se ishte arratisur për disa ditë pushime në Zvicër me vajzën, Renee dhe nënën e saj. Ato kanë vizituar një vend me dëborë dhe Nora nuk na i kurseu disa momente të bukura në llogarinë e saj në Instagram, ku tregoi se po i shijon pafund këto pushime. Në fotot e videot e publikuara për fansat, ato janë shfaqur në pishinë dimërore teksa Renee shijonte zhytjet dhe mami Nora panoramën e mrekullueshme me dëborë.
Nora publikoi edhe disa imazhe të saj, në të cilat si çdo herë tjetër shfaqej në formë perfekte dhe shumë seksi. Ajo shihej e veshur me një “jumpsuit” në ngjyrë të zezë, dorashka, xhup dhe këpucë të së njëjtës ngjyrë. Pavarësisht se veshja duket shumë e thjesht, sepse e tillë duhet të jetë në pushimet dimërore, ka kushtuar sa qimet e kokës.
Një faqe në Instagram ka mësuar se Nora ka shpenzuar në total 2.300 euro për veshjen e saj në këto pushime. Vetëm kostumi për ski kushton 650 euro, ndërsa xhupi i zi 1.370 euro.
