Ministrja e Arsimit, Besa Shahini ka bërë me dije lajmin se vetëm klasat e 12-ta do të rikthehen për mësim në shkolla. Sipas saj, data më e përafërt e rikthimit është 11 maji, ndërsa mësimi do të vijojë deri më datë 29.
“Kemi vendosur që të hapim shkollat për klasat e 12-ta për programin e maturës. Data më e përafërt është 11 maji. Do të ketë vetëm leksione për lëndët e maturës. Mësimin nga shtëpia do ta mbyllim 2 javë më herët që mësuesit të kenë mundësi të përmbushin veprimet e tyre adminsitratieve, hedhjen e notave dhe plotësimin e regjistrave,”-tha ajo.