Në rrezik shkarkimi deri përpara sfidës kundër B.Monchengladbah por tani Zinedine Zidane mund të marrë frymë lirisht.
Reali i tij nuk zhgënjeu në sfidën e fundit në “Bernabeu”, fitorja e pastër 2-0 i dhurojë spanjollëve kreun e grupit b në kuotën e dhjetë pikëve. Njeriu i ndeshjes ishte Karim Benzema, autor i një “dopjete”. Gjithçka u zgjidh brenda pjesës së parë, më saktë brenda 32 dy minutave. Dy fitoret e fundit, në La Liga kundër Sevilla dhe mbi të gjitha ndaj gjermanëve përforcojnë pozitat e francezit në krye të Realit. Pavarësisht këtij fakti, Zidane është i qartë se nuk mund të qëndrojë përgjithmonë në krye të spanjollëve, apo të jetë një Ferguson i ri:
“Nuk do të jem kurrë Alex Ferguson i Real Madrid”, u shpreh Zidane pas ndeshjes duke vijuar: “Dua të shijoj atë që bëj. Nuk e di se sa do rrijë tek Reali dhe as që e mendoj. Jam shumë i lumtur tani që jam në krye të Realit edhe në momente të vështira. Jam në Madrid prej shumë kohësh dhe dëshiroj të qëndroj edhe për pak”, theksoi Zidane.