Brunilda Kovaçi është përcjellë për në banesën e fundit në qytetin e saj të lindjes, por vëllai që ndodhet në burg nuk është lejuar të marrë pjesë.

Kjo është hera e dytë që Shpëtim Kovaçi tenton vetëvrasjen në qeli, pasi tentoi herën e parë të priste damarët e fytit me briskun rrojës. 32-vjeçari ndodhet në qeli prej tetë vitesh pasi akuzohet për vrasje.

Ai është pikasur nga gardianët e burgut duke pirë një sasi të konsiderueshme detergjenti dhe është transportuar në gjendje të rëndë në spitalin rajonal të Beratit. Ai ka deklaruar më herët se e motra ishte i vetmi person që kujdesej për familjen dhe dërgonte para të ushqeheshin.

Brunilda Kovaçi u gjet e pajetë nga kalimtarët në një pyll në Mougins në Francë natën e Krishtlindjeve që kaluan. Autori i krimit, një 28-vjeçar shofer kamioni nga Franca tashmë i arrestuar ka rrëfyer se kishte paguar të kalonte natën me të. Ai tregoi se kishte mbytur gruan e re gjatë natës së 24-25 dhjetorit pas një mosmarrëveshje që kishte patur me të.

PËRGJIGJU

Please enter your comment!
Please enter your name here