Edhe pse kanë kaluar vetëm pak ditë qëkur “Big Brother Vip” nisi transmetimin, duket se në shtëpinë më të famshme në vend janë krijuar afrimitetet dhe debatet e para.
Teksa disa nga banorët ndodhen në ambientin që të sjell pas në kohën e viteve të errëta për Shqipërinë për shkak të dënimit nga “vëllai i madh” si pasojë e shkeljes së rregullave nuk kanë munguar as thashethemet për banorët e tjerë.
E zgjedhur një ndër më të preferuarat e publikut, Paloma ka treguar se reagimi i Donaldit e ka zhgënjyer shumë në momentin kur Arbana tha emrin e saj.
“Realisht nuk e prisja që do të isha një ndër të preferuarit e publikut dhe e di si ja kam parë surratin disave, dhe njërit që se prisja fare se hajt më asaj tjetrës se nuk kam ndonjë shoqëri me të, as nuk e kam parë ndonjëherë në jetën timë apo e kam xhan. Po fytyra e Donaldit aty, a e di si më erdhi u pre fare…
E pyetur se kush ishte personi i dytë, Paloma nuk preferoi që të jepte emra duke thënë se ishte zhgënjyer nga Donaldi.
“Donaldi, kaq, të tjerët varja, nga ai nuk e prisja.
U preva fare sepse e pashë që u pre dhe mua intuita, sytë nuk më zhgënjejnë asnjëherë”, u shpreh ajo.