Nuk ekziston asnjë lidhje mes përdorimit të epidurales mbi nënën gjatë lindjes dhe rrezikut që bebja të zhvilloje autizëm.
Hipoteza, që ngjalli diskutime të mëdha dhe kritika të shumta, lindi pas publikimit të një studimi kalifornian në Shtatorin e kaluar. Mirëpo një studim i fundit shkencor i publikuar në revistën “Jama Pediatrics”, e ka përgënjështruar.
Kërkuesit e universitetit Manitoba në Kanada kanë analizuar statistikat dhe të dhënat e një spitali që prej vitit 2005- 2016, duke analizuar 126 mijë lindje.
Në kërkim janë marrë parasysh shumë faktorë që në studimin e mëparshëm nuk ishin marrë në konsideratë, ndër të cilët jo vetëm përdorimi i epidurales, por edhe mosha e nënës, statusi socio-ekonomik, sëmundjet si diabet apo hipertension.
Në përfundim, analizimet nuk kanë gjetur asnjë lidhje të mundshme që të vërtetojë se përdorimi i epidurales të ndikoje në shqetësimet e spektrit të autizmit. Kështu rikonfirmohet nga evidencat shkencore që epiduralja është metoda më efikase aktualisht në uljen e dhimbjeve të lindjes tek gratë.