Gjykata greke ka dënuar me 2 vite e gjysmë një 38-vjeçar shqiptar, pasi kërcënoi se do të digjte ish-bashkëshorten e tij 29 vjeç dhe dy fëmijët e tij të mitur.
Ngjarja në familjen shqiptare ka ndodhur më 30 mars, në Selanik, ku burri ka shkuar në shtëpinë ku jeton nëna e re me fëmijët e tyre të mitur, duke thyer hyrjen kryesore të pallatit dhe më pas është ngjitur në banesë dhe i kërcënoi se do t’i vriste.
38-vjeçari, i cili deri më sot kishte gjithsej tetë dënime për dhunë në familje, megjithatë ato ishin të pezulluara, nuk u ndal me kaq, pasi kur ish-bashkëshortja nuk pranoi t’i hapte derën për të hyrë në banesë, sepse kishte frikë, për jetën e saj dhe të fëmijëve, ai i vuri flakën hyrjes së pallatit duke shqetësuar dhe banorët e tjerë.
Mediet greke shkruajnë se kjo nuk ishte hera e parë që shtetasi shqiptar dhunonte e kërcënonte familjen.