Spitali Infektiv po përballet aktualisht me një situatë kritike, ku as në kohët e vetëizolimit nuk pati këtë fluks të lartë të shtruarish. Përditë ka pacientë dhe mjerisht viktima që nuk i kanë mbijetuar koronavirusit.
Mjekja e QSUT, Mira Kola ka një apel sot për të gjithë ku bën thirrje për mbajtjen e maskave, ruajtjen e distancimit fizik, për të mbrojtur veten dhe gjithë të tjerët që na rrethojnë.
“Ju ftoj të gjithëve së bashku të çelim ndjenjën e përgjegjësisë, ndjenjë që lidhet me zbatimin e masave ndaj këtij virusi që u bë ditë dhe muaj midis nesh. Nuk ju kushton asgjë të mbani një maskë, nuk ju kushton asgjë të ruani distancimin fizik. Masa këto që në pamje të parë duken të thjeshta, por që shprehin një dashuri pa kufi për jetën, shprehin mirënjohje dhe përkushtim për gjithë stafin që punojnë me pacientët me COVID”