Deputetja e PS, Vilma Bello ka sulmuar kryetarin e bashkisë së Vlorës, Dritan Leli. Në një status në Facebook, Bello e konsideron kryebashkiakun si njeri pa dinjitet dhe që nuk e përligj besimin që i është dhënë nga qytetarët.
“Kulturalisht e politikisht ai nuk e përligj më besimin që i është dhënë. I ka hyrë një sfide që nuk ka asnjë fije lidhje me dinjitetin, dmth të qëndrojë medoemos aty ku jo thjesht nuk mund të japë më, por, pikërisht për këtë shkak, të shtiret e duke u rropatur, pa më asnjë dobi për Vlorën”, shkruan Bello.
Më tej Bello shprehet: Për cinizmin e një njeriu që nuk e çmon mirënjohjen si veti morale dhe as e ushtron përgjegjësinë politike si detyrim, “pakuptimësia” bëhet argument!