Për vitin 2021, veprimtaria e Agjencisë së Trajtimit është bllokuar thuajse tërësisht. Në raportin për 8 muajt e parë të vitit, të depozituar në Ministrinë e Drejtësisë, Agjencia e Trajtimit të Pronave thekson se shkak është bërë vendimi i Gjykatës Kushtetuese e cila pranoi kërkesën e Shoqatës Pronësi me Drejtësi për rrëzimin e disa neneve të Ligjit të Ri për Kthim Kompensimin. Gjatë kësaj periudhe është vijuar vetëm me trajtimin me kërkesë të veçantë, formulë që u jep mundësi pronarëve të marrin jashtë radhe kompensimin, nëse pranojnë të heqin dorë nga pjesa dërrmuese e shumës totale.
Procesi i ekzekutimeve për vendimeve përfundimtare që kanë njohur të drejtën e kompensimit aktualisht është i bllokuar për shkak se në datën 04.02.2021, Gjykata Kushtetuese mori në shqyrtim kërkesën e Shoqatës “Pronësi me drejtësi”, në lidhje me Kushtetutshmërinë e Ligjit 133/2015, neni 6, pika 1, shkronja “b” dhe neni 7, Pika 2, shkronjat “a” dhe “b” dhe VKM 223/2016, të ndryshuar etj. Me zbardhjen e vendimit të Gjykatës Kushtetuese të botuar në Fletoren Zyrtare nr.37, datë 11.03.2021, është ngritur me Urdhër te Ministrit të Drejtësisë nr. 309 datë 14.04.2021 grup pune për “Hartimin e projektligjit “Për disa shtesa dhe ndryshime në ligjin 133/2015”, për të reflektuar në ato pika të cilat u shfuqizuan nga Gjykata Kushtetuese”.
Aktualisht po punohet me anëtarët e grupit të punës në Ministri si dhe me një grup pune nga Avokatura e Shtetit, për të konkluduar në propozimin përfundimtar i cili do të dërgohet Këshillit të Ministrave dhe Kuvendit të Shqipërisë për miratimin e tij.
Ndërkaq, Gjate periudhës Janar – Gusht . ATP duke u bazuar ne ligjin 133/2015 “Per trajtimin e pronës dhe përfundimin e procesit te kompensimit te pronave dhe akteve nënligjore”, janë kompensuar 216 subjekte qe kane përfituar kompensim me raste te vecante, thekson raporti.