Sekretari i Përgjithshëm i Partisë Demokratike, deputeti Flamur Noka në fjalën e mbajtur në seancën e sotme në Kuvend, tha se buxheti për vitin 2023 është vetëm për qeverinë dhe jo për qytetarët.
Ai përmendi udhëtimet e kryeministrit Edi Rama dhe tha se ky buxhet jep më pak para për xhepat e qytetarëve, por kryeministrit i siguron një jetë luksoze. Noka pyeti ministrin e Brendshëm Bledi Çuçi se përse efektivët e oficerët lënë detyrën dhe marrin gomonet për tu larguar nga vendi.
“Shqipëria sot nuk ka kryeministër, por vendin ia ka zënë sheiku i Surrelit. Nuk ka qeveri, por një oborr sheiku që i bëjnë fresk. Do të vazhdojë keq e më keq të vishet. ndaj shqiptarët të shtunën kanë një ditë për të demonstruar kundër vjedhjes së sheikut. Çdo shqiptar është i ftuar në sheshin “Skendërbej”. Të gjithë të bashkohemi të shtunën, në orën 16:00, për interesin e Shqipërisë e të çdo shqiptaroi. Të shtunën kemi dy zgjedhje, ose ankohemi kafeve për këtë sheik, ose të derdhemi në shesh. Po vjen dita tu kthehet shqiptarëve pushteti, të gjithë për t’i dhënë leksion këtij pushteti”.