Gjithmonë jemi mësuar të flitet për rregulla e procedura përsa i përket testimit teorik dhe praktik për të marrë një leje drejtimi, por shumë pak kemi dëgjuar të flitet publikisht për testin për mësues teorie edhe instruktor praktike në autoshkolla.
Për herë të parë, Drejtoria e Përgjithshme e Shërbimeve të Transportit Rrugor publikon online Draft-Pyetësorin për Mësues Teorie dhe Instruktor Praktike në Autoshkolla, të gjitha kategoritë e lejedrejtimit, për aplikantët dhe të interesuarit. Në këtë mënyrë, gjithçka është më e lehtë për t’u aksesuar dhe më transparente për këdo që dëshiron të hyjë në këtë zanat.
Kjo procedurë është një hap më tepër drejt standardeve europiane për transparencën, gjithëpërfshirjen e grupeve të interesit dhe rritjen e objektivitetit të pyetësorit për mësuesit dhe instruktorët në autoshkolla.
Ndërkaq, DPSHTRR të premten organizon një dëgjesë publike për përmirësimin e këtij pyetësori për të marrë dëshmi instruktori autoshkolle. Në këtë dëgjesë do të ketë përfaqësues të autoshkollave, inxhinierë mekanik, ekspertë të sektorit automotiv, si dhe përfaqësues nga institucione shtetërore në fushën e transportit dhe janë të mirëpritur të gjithë të interesuarit të bëhen pjesë apo të japin sugjerime te:
