Ministrja e Infrastrukturës dhe Energjisë, Belinda Balluku, e cila ditën e sotme i dorëzoi stafetën ministrit të ri të kësaj ministrie, Enea Karakaçi, ka folur për herë të parë publikisht për hetimet që SPAK po kryen ndaj saj. Balluku: Kam vendosur të mos analizoj, të mos shaj dhe të jem konsistente në qëndrimin tim për sa i përket drejtësisë. Nuk do gjeni kurrë asnjë deklaratë timen që të kundërshtojë tjetrën. Drejtësia duhet të jetë e lirë edhe e pavarur. Drejtësia e re si produkt i reformës në drejtësi, si produket i një Shqipërie evropiane duhet të vazhdojë të jetë frymëzimi i këtij vendi, pasi ajo reformë u krye për t’i kthyer besimin qytetarëve te një dejtësi e drejtë dhe e pavaruar.
Unë besoj te kjo drejtësi dhe nuk do më dëgjoni kurrë as ta lavdëroj kur godet kundërshtrarët e mi politikë, dhe as ta anatemoj kur kjo drejtësi prek interesat e mi personal. Unë nuk kam dhe s’kam pasur kurrë lidhje me korrupsionin. Nxis që hetimi që ka nisur ndaj meje prej muajsh të vijojë për të nxjerrë të vërtetën në sipërfaqe. Unë nuk kam as 300, as 30 apartamente. S’kam as dy jahte, as limuzina. Të gjitha këto janë pjesë e një gjyqi publik i cili bëhet me lehtësinë më të madhe në këtë vend, por për të thënë të drejtën unë jam rritur me gjyqet publike.