I ftohti i acartë u largua gradualisht nga vendi jonë por
moti mbetet ende i paqëndrueshëm.
Dita që po lëmë pas ka qenë me vranësira mesatare dhe të dendura por edhe intervale të shkurtra me diell.
Edhe për pjesën tjetër të mbetur të ditës moti do të vijoj të jetë me vranësira mesatare dhe të dendura shoqëruar me reshje shiu të herëpashershme me intensitet të ulët në pjesën më të madhe të vendit.
Në relievet malore të Verilindjes dhe Juglindjes në lartësitë mbi 500-800metër do të ketë edhe reshje të dobëta dëbore.
Për ditën e nesërme pritet që vendi ynë të ndikohet nga relativisht nga të njejtat kushte atmosferike. Moti do te jetë me vranësira mesatare dhe të dendura shoqëruar me reshje shiu të herëpashershme me intensitet të ulët në pjesën më të madhe të territorit.
Megjithatë duke filluar gradualisht prej orëve të pasdites vranësirat do të vijnë në pakësim drejt kthjellimeve si dhe reshjet do të ndërpriten në të gjithë territorin. Për shkak të masave ajrore me origjinë jugore temperaturat do të jenë relativisht të njejta me ato të sotme.
Më konkretisht:
Zonat malore 1°C deri në 6°C
Zonat e ulëta 4 deri në 15°C
Zonat bregdetare 7°C deri në 15°C