Ajo është një nga vajzat më të bukura në Shqipëri, por me jetë jo aq të thjeshtë.
Adrola Dushi ka qenë e ftuar në “Prive”, ku ka zbuluar datat më të rëndësishme të jetës së saj.
Krahas ardhjes në Tiranë, karrierës në Amerikë, dhe lindjes së djalit, Adrola u ndal tek ditëlindja e vitit të kaluar.
“Në këto 6 vite të fundit të jetës time vetëm puna shkonte mirë, dhe djali im gëzonte shëndet, po jeta ime në asnjë lloj drejtimi nuk shkonte mirë”, tregoi Adrola.
Po ashtu, ajo tha se ditëlindja erdhi pas karantinës, dhe para asaj periudhe kishte qenë shumë e zymtë dhe nuk ndihej vetvetja.
“Mora kohë për të reflektuar dhe menduar gjatë asaj kohe. Më shërbeu për mirë”, tregoi modelja.
Gjithashtu, ajo tha se nuk kishte festuar ditëlindje, jo sepse s’ka dëshirë, por për shkak të gjërave dhe rrethanave.
“Ma bëri suprizë shoqja ime e ngushtë dhe e kam shijuar shumë”, shtoi ajo.
Sa i përket jetës së saj, Adrola tha se kishte ndryshuar dhe se pas karantinës, gjithçka ishte më mirë për të.