Një 40-vjeçar shqiptar ka rënë në prangat e policisë greke, pasi akuzohet se dhunoi gruan e tij. Ishte fqinji i çiftit ai që njoftoi menjëherë policinë sapo dëgjoi thirrjet për ndihmë të gruas.
Sipas mediave greke, 40-vjeçari ushtroi dhunë ndaj bashkëshortes pasi kjo e fundit nuk kishte pastruar shtëpinë.
Në momentin kur Policia u shkoi në shtëpi, bashkëshortja e tij është ankuar se i shoqi ka ardhur në shtëpi i dehur, i ka bërtitur dhe më pas e ka rrahur.
Gruaja tha se ka qenë prej shumë vitesh viktimë e dhunës në familje, por nuk kishte guxuar ta denonconte më parë të shoqin.