Këtë të mërkurë nuk është zhvilluar mbledhja periodike e qeverisë. Ndryshimet e kryera në disa dikastere nga Kryeministri Rama, në mbledhjen e AK-së, me siguri kanë bërë që mbledhja të mos zhvillohet deri atëherë kur Presidenti Ilir Meta të firmosë dekretin për ministrat e rinj dhe ato të votohen nga Kuvendi i Shqipërisë. Mbledhja e fundit e qeverisë u mbajt me 26 dhjetor 2018, kur ekzekutivi miratoi disa vendime shumë të rëndësishme për studentët, të cilët për disa javë protestuan për uljen e tarifave, krijimin e kushteve më të mira, shtimin e fondeve për sektorin e arsimit, ndëshkimin e doktoraturave të kopjuara etj.
Në ditët që vijnë qeveria mund ta zhvillojë mbledhjen e radhës pasi ministrat janë ende në detyrë, deri në momentin e votimit nga Kuvendi.