Pas dështimit të negociatave për bashkimin e PD, deputeti Flamur Noka tha se pala e Alibeajt kërkuan pazare dhe një gjë të tillë nuk mund ta pranojnë.
I ftuar në emisionin “Open”, Noka vuri theksin tek vota e lirë, duke theksuar se për shkak të mungesës së saj sot jemi njësoj si në vitet 90, “luftë për votën e lirë”.
Me Nokën debatoi analisti Artur Zheji, i cili i tha se duhet të kuptojnë se nuk mjafton vetëm partia, por duhet të kenë shumicën e shqiptarëve, sidomos sa i takon Tiranës.
DEBATI
Noka: Këshilla drejtues me zarfe. Unë dua të kem demokratët, me demokratët fitoj. Fiton ai që ka qytetarët me vete, pa flamurin, pa Gazin, pa Enkelejdin.
Zheji: Nuk duhet të jenë demokratët, por shumica e qytetarëve të Tiranës. Këtë nuk kuptoni ju. Ju thoni kemi shumicën e partisë, mbajeni mo partine aty e kemi. Ti duhet të marrësh votat e tyre, votat e partisë i ke ti mo. Mbaji mo. Unë them për Tiranën, ti thua kam partinë, mbaje partinë aty e ke.
Noka: Ke një gabim Zheji, unë sot dua t’u them shqiptarëve, vota është ajo që vendos jo Këshillat Drejtues, vota. Kush thotë të zhdukim votën dhe të zëvendësohet vota e demokratëve me Këshill ka problem. Ju thoni të bëjmë bashkim me pazare. Jo. Bashkim me pazare, jo.
***
Noka: Ata sollën zotin Bardhi që nuk ka lënë të zezë pa thënë, ata dërguar një njeri që nuk ka artikuluar asnjë akuzë. Vullneti ynë është tërësisht i hapur. Një ditë të bukur del një letër me kushte dhe thotë Alibeaj po nuk u pranuan këto s’ka asgjë ndryshim. Një nga kushtet është asgjësimi i votës, po ne për këtë po luftojmë Ramën. Ne sot jemi si në ’90, në “luftë për votën re lirë”.