Nuredin Dumani, autori i shumë vrasjeve, që u arrestuar disa ditë më parë në Fier, i plagosur, është transferuar nga “Trauma”, te spitali i burgut në QSUT.
Mësohet se ai është shoqëruar nën masa të rrepta sigurie, me dy furgonë të Forcave të Ndërhyrjes së Shpejtë.
Nuredin Dumani është një nga personazhet më të rrezikshëm në Shqipëri, pasi akuzohet si vrasës serial, për implikimin në të paktën 7 vrasje.
Ndaj Dumanit më herët Prokuroria ka lëshuar dy urdhër-arreste dhe ka në duar prova të mjaftueshme për ta implikuar si ekzekutor në të paktën shtatë vrasje, raporton albeu.com.
Ai ka qenë krahu i djathtë i të shumëkërkuarit tjetër Talo Çela, i cili edhe ky është shpallur në kërkim nga policia, pasi akuzohet për një sërë vrasjesh.
Dumani më herët ka qenë i akuzuar për prostitucion, por prej vitit 2022, ndaj tij rezultojnë edhe akuzat e vrasjes.