Ngjarjet e rënda në Gjirokastër nuk kanë të sosur. Një nxënës në gjimnazin “Siri Shapllo” është hedhur nga dritarja e katit të dytë të shkollës. 17-vjeçari ka pësuar dëmtime fizike dhe ndodhet në spital.
Ngjarja lidhet me një bast të vendosur mes nxënësve. Tre shokë të tij kanë deklaruar në polici se adoleshenti u hodh për një bast prej 10 mijë lekësh të vjetra. Nxënësi u dërgua me urgjencë në Spitalin Rajonal të Gjirokastrës dhe ndodhet jashtë rrezikut për jetën.
Kjo është ngjarja e tretë e rëndë në të njëjtin institucion brenda tre muajve. Dy nxënës të tjerë 16-vjeçarë kanë ndërruar jetë në rrethana ende të paqarta. Kjo duke ngritur shqetësime për gjendjen psikologjike të të rinjve.