Mbipesha është kthyer në një shqetësim global, pasi vitet e fundit, për shkak edhe të pandemisë së Covid-19, shifrat e obezitetit kanë ardhur në rritje. Shefja e Sektorit të Ushqyerjes dhe Sigurisë Ushqimore në ISHP Jolanda Hyska tha se të dhënat globale, ku edhe Shqipëria bën pjesë tregojnë për një problematikë të shtuar tek fëmijët.
Sipas të dhënave 5% e vajzave të moshës 5-19 vjeç janë obeze ndërsa tek djemtë niveli arrin në 10%. Tek popullsia adulte nivelin më të lartë të obezitetit e kanë gratë. Në ditën botërore të obezitetit, Shefja e Sektorit të Ushqyerjes në Institutin e Shëndetit Publik, u bën apel prindërve që fëmijëve t’u japin ushqim me vete në shkollë dhe të eleminojnë pijet me sheqer të shtuar dhe ato me gaz.