Observatori Kombëtar i Athinës paralajmëron se vala e stuhisë nga Italia do të godasë Shqipërinë dhe Greqinë.
Në ditët në vijim një pjesë e territorit shqiptar pritet që të përfshihet nga një mot i keq me reshje dhe stuhi.
Sipas hartës së publikuar nga mediat në vendin fqinj, shqetësimi atmosferik në Itali pritet të lëvizë ngadalë në lindje me fenomene të forta lokale nga mesdita e së mërkurës, 6 Tetor deri në fund të javës.
Bazuar te harta meteorologjike e lëvizjes së stuhisë, reshjet do të prekin një pjesë të konsiderueshme të territorit tonë dhe veriun e Greqisë. Reshjet pritet që të zgjasin deri në datë 8 tetor.