Gripi dhe Covid do të jenë dy viruset që potencialisht mund të na rrezikojnë edhe jetën përgjatë këtij sezoni dimëror. Teksa Covid-19 ka vëmendjen globale, Organizata Botërore e Shëndetësisë për Europën ka çelur fushatën e ndërgjegjësimit për gripin stinor, pjesë e të cilës është bërë edhe Shqipëria.
“Ne kemi një program shumë të fortë imunizimi këtu në Shqipëri, dhe kjo është një bazë shumë solide për t’u ndërtuar mbi të. Dhe punonjësit e shëndetësisë kanë pasur historikisht një përdorim shumë të lartë të vaksinimit të gripit”.
Që prej datës 23 Tetor në Shqipëri ka nisur vaksinimi i bluzave të bardha kundër gripit.
“Është vërtet e rëndësishme që punonjësit e shëndetësisë të vaksinohen, sepse nëse janë të infektuar, mund të infektojnë pacientë që janë njerëz shumë të cenueshëm. Pra, është shumë e rëndësishme që ne të mbrojmë punonjësit shëndetësorë në mënyrë që ata të mund të mbrojnë pacientët në spital”.
Në kohën kur dy viruset do të jenë në bashkëqarkullim ekspertët botërorë rekomandojnë vaksinim por edhe respektimin e rregullave bazë, maskë, distancë dhe mosgrumbullim.