Kreu i Organizatës Botërore të Shëndetësisë i ka kërkuar Këshillit të Sigurimit të Kombeve të Bashkuara të punojë për një armëpushim urgjent në Ukrainë.
“Sikur të mos mjaftonte Covid, një luftë shkatërruese si kjo është e rrezikshme për botën,” i tha drejtori i përgjithshëm Tedros Adhanom Ghebreyesus organit prej 15 anëtarësh mbrëmjen e sotme.
OBSH ka verifikuar tani 43 sulme ndaj kujdesit shëndetësor në Ukrainë, me të paktën 12 njerëz të vrarë, duke përfshirë punonjës shëndetësorë, dhe 34 të plagosur.
“Në çdo konflikt, sulmet ndaj kujdesit shëndetësor janë një shkelje e ligjit ndërkombëtar humanitar,” tha Dr Tedros. “Ata i privojnë njerëzit nga kujdesi i nevojshëm urgjent dhe shkatërrojnë sistemet shëndetësore tashmë të brishta.”
Ai tha se sulmet kishin çuar në një ndërprerje të rëndë të shërbimeve shëndetësore dhe aksesit në mallrat bazë në Ukrainë dhe paralajmëroi se pasojat “do të jehojnë për dekadat të tëra në vijim”.