Një nga 255 subjektet që kanë deklaruar pasurinë e tyre në kuadër të operacionit Forca e Ligjit, ka dërguar çështjen në Gjykatën Kushtetuese.
Edlir Hysenaj të cilit iu dërgua formulari i OFL-së në datë 5 Shkurt të 2020, kërkon shfuqizimin si të papajtueshëm me kushtetutën të vendimit të dhënë ndaj tij, si subjekt i deklarimit të pasurisë.
Ky është rasti i parë që një rast i operacionit Forca e Ligjit dërgohet në Gjykatën Kushtetuese.
Kjo e fundit ka përcaktuar datën 8 Shkurt për shqyrtuar kërkesën e Hysenajt. Ky i fundit për 48 orë u kërkua në atë kohë të deklarojë pasurinë pasi autoritetet ngritën dyshime se kishte pasuri që rrjedhin nga aktiviteti kriminal.
Në kuadër të operacionit forca e ligjit, u verifikuan 515 subjekte, ku 255 prej tyre u dërguan në prokurori dhe deklaruan pasurinë, ndërsa pjesa tjetër u arkivuan.
Në total janë 1970 pasuri, ku mes tyre janë llogari bankare, automjete, dhe pasuri të paluajtshme.