Fifi ka paralajmëruar prej ditësh publikimin e një projekti të ri muzikor. Këtë herë, ajo ka vendosur të risjellë një version më modern të këngës folk ‘Oj Zogo’ që është kënduar nga emrat më të mëdhenj të muzikës shqiptare. Sigurisht me shumë ndryshime dhe futje të ritmeve reggaton dhe pak rep që e kanë bërë edhe më të veçantë si projekt.
Më e bukura e klipit është fakti që xhirimet janë realizuar në qendër të Tiranës dhe në video janë përfshirë shumë njerëz të thjeshtë dhe fansa të këngëtares që kanë pasur fatin të kalojnë aty gjatë asaj kohe. Fifi është veshur me një kostum popullor që i përket jugut të Shqipërisë dhe duket më e bukur se kurrë. Kënga pritet të jetë e suksesshme dhe të kthehet në një nga hitet e verës.