Organizata e shteteve eksportuese të naftës ra dakord për shkurtime të reja të prodhimit të naftës në një takim në Vjenë këtë të mërkurë, duke tkurrur ofertën në treg tashmë të ngushtë për ‘arin e zi’, pavarësisht presionit nga SHBA për të prodhuar më shumë.
Ulja mund të nxisë një rritje të çmimeve të naftës që kanë rënë në rreth 90 dollarë nga 120 dollarë në tre muaj nga frika e një recensioni ekonomik.
Shtetet e Bashkuara kanë shtyrë OPEC mos të vazhdojë me shkurtimet që pritet të ulen me 2 milionë fuçi në ditë.
Mbetet e paqartë nëse shkurtimet mund të përfshijnë reduktime shtesë të prodhimit nga vende si Arabia Saudite, ose nëse ato mund të përfshijnë nënprodhimin ekzistues nga grupi.
“Çmimet e larta të naftës, nëse nxiten nga shkurtimet e konsiderueshme të prodhimit, kanë të ngjarë të irritojnë administratën e Biden para zgjedhjeve në SHBA. Mund të ketë reagime të mëtejshme politike nga SHBA, përfshirë këtu lëshimin shtesë të aksioneve strategjike ”, thanë analistët në një njoftim.
Lideri amerikan i investimeve, JPMorgan u shpreh se Uashingtoni pritet të marrë masa duke lëshuar më shumë rezerva nafte.
Arabia Saudite dhe të tjerë anëtarë të OPEC+, të cilët janë pjesë e Organizatës së Vendeve Eksportuese të Naftës, përfshirë Rusinë, kanë thënë se duan të parandalojnë paqëndrueshmërinë në treg dhe të synojnë një çmim të caktuar të naftës.
Nafta e papërpunuaar Brent u rrit në 93 dollarë për fuçi të mërkurën, pas rritjes të martën.