Një operacion blic i policisë së Fierit dhe forcave RENEA ka bllokuar një rrugë të gjithë në qytetin e Fierit.
Forca të shumta policore po kontrollojnë në një pallat shumë katësh, ndërsa kanë ngritur edhe një dron për të kryer kontrolle. Në pamjet e siguruara nga mediat shihet se si forcat e policisë dhe efektivë të RENEA-s vrapojnë me armë në dorë. Më pas një person shoqërohet.
Policia iu ka kërkuar mediave dhe qytetarëve të largohen. Në video dëgjohet teksa flitet për snajper, ndërsa një dron kryen kontrolle në zonë. Ende nuk ka informacion zyrtar për operacionin.