Kryeministri Edi Rama prej disa kohësh tashmë ka zgjedhur që postimin e mëngjesit tua kushtojë shifrave të arritjeve të qeverisë.
Këtët të martë ai ka publikuar të dhënat mbi numrin e vrasjeve në Shqipëri, krahasuar me vitin 2012, kur në qeveri ishte opozita e sotme.
Ai i ka kthyer përgjigje opozitës e cila akuzon për rritje të krimit, duke thënë se ka shmangur statistikat e vitit 2020, për të cilat thekson se janë ende më shumë domethënëse.
“Me këto shifra që tregojnë sa shumë kanë harruar disa që flasin për rritje të krimit (ndërkohë që nuk po vendos 2020-ën sepse shifra është ende më shumë domethënëse, po meqë viti s’ka mbaruar akoma), ju uroj një ditë të mbarë”, shkruan Rama.

