Nga Malësia e Madhe kreu i PD-së Lulzim Basha deklaroi se PD ka dy sfida, njëra prej të cilave është të gjejë njerëzit që do kujdesen për Malësine e Madhe dhe për Koplikun.
‘Tani kemi dy sfida. Sfida e parë është që tani të gjithë së bashku të gjejmë më të mirët në mesin tonë e të bëhemi gati për dy beteja të rëndësishme. Për një Parlament të popullit që do vijë përmes zgjedhjeve të lira e të ndershme. Dhe këto zgjedhje do të vijnë por vetëm pasi të kemi çmontuar deri në fund makinerinë kriminale të Edi Ramës me ndihmën e shqiptarëve të bashkuar, me ndihmën e Europës, me ndihmën e Amerikës dhe me ndihmën e zotit, nuk ka rrugë tjetër për Shqipërinë. Dhe njerëzit që do kujdesen për Malësinë e Madhe, njerëzit që do kujdesen për Koplikun dhe për Malësinë e Madhe. Njerëz të punës, njerëz të sprovuar, të përkushtimit, që kanë treguar me vepra se dinë të punojnë për komunitetin, se dinë të mendojnë për njerëzit e varfër në mënyrë që malësia e madhe të funksionojë si një familje e madhe burrash dhe grashë fisnikë’, tha Basha.
Me këtë deklaratë Basha la të kuptohet se mund të hyjë në zgjedhjet lokale të 30 qershorit.