Lindita Nikolla ka mbajtur fjalim në Parlament teksa po diskutohej kërkesa e opozitës për shkarkimin e saj si kryetare e Parlamentit.
Në fjalën e saj, Nikolla deklaroi se është e prekur nga kërkesa e opozitës, por thekson se situata e tensionuara në Parlament nuk kanë ndodhur për shkak të sjelljes së saj.
Kërkesën e opozitës, Lindita Nikolla e konsideron pa shkak.
“E lexoj këtë kërkesë si një tërheqje vëmendje për reflektim brenda nesh, të kontribuojmë që Kuvendi të mos jetë një arenë grindje.
Pasi u njoha me këtë kërkesë ktheva kokën për të parë se ku kisha gabuar, por acarimet në Kuvend kanë ardhur jo për shkakun tim.
Kjo kërkesë nuk është ajo që i duhet Kuvendit të Shqipërisë. Kësaj kërkese i mungon themeli, kërkesa ka një qëllim por nuk ka një shkak.
Unë nuk kam folur e nuk do të flas kurrë me këtë gjuhë. Unë jam përballur e do të përballem sy më sy sepse komunikimi i drejtpërdrejt është mënyra më e mirë për të bërë detyrat. Unë nuk do t’ju përgjigjem kurrë me të njëjtën monedhë”, tha ndër të tjera Lindita Nikolla.