Teksa ka nisur protesta e opozitës përpara godinës së kryeministrisë në Tiranë, Edi Rama ndodhet në Berat ku është takuar me operatorët turistikë. Ai foli për shpëtimin e banesave karakteristike të kësaj zone të mbrojtur, duke shtuar se “Sot ka filluar kthesa”.
“Parafytyroni cfarë do kishin bërë fqinjët nëse do kishin Beratin dhe Gjirokastrën, më tregoni një rast të vetëm, në Maqedoninë e Veriut, Mal të Zi, Greqi, Bosnjë po të doni, që ka pasur dhe luftë, që një pasuri e tillë të jetë lënë me vite të tëra si u la Berati dhe Gjirokastra. Më tregoni një rast të vetëm, e të gjesh njerëz të varfër, familje që jetojnë falë emigracionit të fëmijëve të tyre, nuk ekzistojnë, e kam thënë atëherë e sot e rithem. Sot ka filluar kthesa”-tha Rama, duke pranuar se situata nuk ka krahasim me atë që ishte 4 vite më parë.
Me tej, Rama ka folur per nje lufte mes drites dhe erresires, duke iu pergjigjur kritikave qe merr per investimet per ato qe kritiket e tij i quajne fasada.
“S’kam parë ndonjë vend të shëmtuar unë që të jetë i zhvilluar ekonomikisht, kjo është lufta e errësirës me dijen dhe me dritën, ne po nxitim dijen dhe rritjen e kapacitete të dritës, berati ka shume probleme por nuk krahasohet me dje, sot ka shpresë për këdo që do të shikojnë, jo për atë që lozin e kuvendojnë dhe nga gratë rrojnë. Se atyre nuk ke cfarë u bën fare”- tha ai.