Në orën 15:00 të 23 prillit, miliona britanikë do të vihen në provë ku në telefonin e tyre do të aktivizohet një alarm me zë të lartë, por edhe me dridhje. Ky do të jetë një test kombëtar i një sistemi të ri të alarmit publik.
Ky sistem i ri është menduar të përdoret në situata kërcënuese për jetën, duke përfshirë këtu ndër të tjera edhe përmbytjet apo zjarret.
Alarmi do t’i dërgohet të gjithë telefonave celularë që punojnë në rrjetin 4G dhe 5G, me zë dhe dridhje që do të zgjasë deri në 10 sekonda.
Britanikëve do t’u kërkohet ta pranojnë këtë mesazh përpara se të jenë në gjendje ta përdorin sërish telefonin e tyre.