Ora e “Ditës së Gjykimit”, e krijuar nga Buletini i Shkencave Atomike si një tregues i ndjeshmërisë së botës ndaj apokalipsit, duhet afruar më pranë mesnatës këtë vit.
Paul Ingram, ekspert i rreziqeve eksidenciale në universitetin e Kembrixh, tha se kërcënimi i një lufte bërthamore dhe ndryshimet klimatike ishin mes faktorëve që shtynin akrepat e orës simbolike më pranë fundit.
“Nëse unë do ta kisha në dorë, do t’i çoja akrepat më pranë mesnatës. Kemi parë shpërthimin e një lufte të re, pushtimin e Ukrainës, paralajmërimet për përdorimin e armëve bërthamore. Kemi parë dështimin e samitit të klimës Cop27 në ndërmarrjen e hapave serioz për reduktimin e aktiviteteve ndotëse”, tha Paul Ingram.
Kur ora u krijua në 1947 u vendos 7 minuta larg mesnatës, ose Ditës së Gjykimit. Në vitin 2020, akrepat u zhvendosën 100 sekonda larg fundit.